recent
أخبار ساخنة

من غير رتوش

عزت عبد العزيز حجازي
الصفحة الرئيسية

 

الدمعه دى دمعتى ..

والبسمه دى بسمتى ..

ملامحى عايشه قِصتى ..!!

**

من غير خدُوش ..

من غير رتوش ..

من غير مالَوِّن صَفحتى ..!!

**

ماملُُكش وِشْ له كام قِناع ..

ماملكش قلب حَريف خِداع ..

ماملكش غير كِلمتى ..!!

**

ماملكش قَصّرْ ولا مال وجاه ..

ماملكش غير حُب الحياه ..

ماملكش غير قِسمتى ..!!

**

عاشِق هواكى للجنون ..

منين ماروح .. منين ماكون ..

وبقول فى عشّقِكْ ملحَمهْ ..!!

**

ولا يوم حَقِلْ فى عشقى يوم ..

ولا يوم حَمِلْ اعشق واقول ..

أقول فى عشقِك مِين أنا ..!!

**

إحساس مالكنى من زمان ..

إحساس بإنِك ع الدوام ..

أجمل حقيقه فى عُمرى أنا ..!!

**

مُرِىِ بعنيكى ع السطور ..

قِصة حنينى مُوج بحور ..

موال بيحكِى مين أنا ..!!

 

author-img
عزت عبد العزيز حجازي

تعليقات

ليست هناك تعليقات
إرسال تعليق
    google-playkhamsatmostaqltradent