كام قطر فات  ..

يا مانا واحنا  ..

واحنا لسه متربعين ع المحطه في انتظار ؟؟

**

كام قطر فات  ..

يامانا واحنا  ..

واحنا لسه متلفحين ع المحطه بالغُبار ؟؟

**

متبعتره جوانا ..

احجارمُدن الحنين  ..!!

متكسره في قلوبنا  ..

ازاهير ورد السنين  ..!!

**

جاي الخلاص من دموع ياسنا  ..

واللا الأمل مقتول  .. 

 علي باب كل دار  ..!!

**

زمن وضاق بينا جُوا  ..

جوا الليالي  ..

راح اللي راح من عمرنا  ..

والعُمر غالي  ..!!

**

لو بس يوم في اخر النفق  ..

تلمحنا عين  ..

لو بس يوم في اخر النفق  ..

نقول يا مين  ..؟؟

 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -