طبعِك غريب فى الهوى ..

مش حِمل أى ملام ..

طب اعمل إيه لو حلاَ ..

لعينيكى مكر زمان ؟!

**

أهدم عرُوش حُبنا ..

والا حنين قُربنا ..

والا نعيش فى خصام ؟!

**

أطعم وحُوش غِلنا ..

والا آنين غُلبنا ..

والا الحنين ينضَام ؟؟

**

لُوم الحبيب موش قَسَىَ ..

ولا سِكه للأحزان ..

لوم الحبيب موش حصَىَ ..

تِمشى عليه الأقدام ..!!

**

عُشاق كتير قبلنا ..

قبل الزمان بزمان ..

شهدوه كِتير قبلنا ..

والعشق لُه أحكام ..!!!!

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -