أبريل 26, 2022علاج التهاب البروستاتا بالطريقة الصحيحة

 

شجرة التوت

****

 

وفَر الولاد من شق المندره ..

وراحوا لحَد القنطره ..

ياكلوا من شجرة التوت ..

لقيوها ناشفه مغبرَه ..

عليّله من كُتر النخوره ..!!

**

والحمام ..

لسه على جبين النهار ..

بيحلم باللمَّه وبالآمان ..

وبحبوب السنابل ع العيدان ..

بالثوره موش بالمسّخَره ..!!

**

وانتي يا ماي ..

يا كُتر همِّك ..

والذنب عُمرُه ..

ما كان ده ذنبك ..!!

**

ده ذنب اللي باع ..

واللي اشترى ..

واللي طاح ..

واللي افتَرى ..

واللي فتح باب المقبره ..!!

**

ده ذنب اللي خَان ..

واللي عَان ..

واللي دبح في الميدان ..

واللي قطَف زهر السَّوسَنا ..!!

**

فيا ترى ..

يا هل ترى ..

الليّل لساه طويل ..

والقمر لساه قتيل ..

والا الحكايه ..

حتموت بحد المقصَّله .. ؟!!