recent
أخبار ساخنة

البنت الشاطره

عزت عبد العزيز حجازي
الصفحة الرئيسية

 



البنت الشَاطره

****

 

البنت الشاطره الشطوره بتصحى من النوم ..

تنده على ماما تلاقىِ ماما رايحه فى النوم ..

بهدوء بهدوء تغسل إيدها ووشها فى الحوض ..

وفاتحه براحه التلاجه وفاطره الموجود ..

فينو وزبادى وحلاوه ومرَبة توت ..!!

**

البنت الشاطره الشطوره أد الكتكوت ..

متنصحه أوى ونصاحتها سُكر عنقود ..

فرحانه مزقططه زقاطيطوا حتخرُج م البيت ..

ولمه حاجتها فى شنطتها وقايله يا فكيك ..

المدرسه طاله على الشارع وبابها حديد ..!!

**

البنت الشاطره الشطوره فرحانه بتميل ..

عماله تجرى وتنهز شَخاليل شخاليل ..

ضامه دراعتها على كُتبها ويا الكشاكيل ..

بتحب دروسها وأبلتها بتشكُرها كتير ..

ولا جت ولا مره فى يوم قالت دا واجبها تقيل ..!!

**

البنت الشاطره الشطوره بتجرى ع الفصل ..

وتصبح على عم " عبدُه " فراش الفصل ..

كتاكيت الفصل الشاطرين فى نداوة الخَسْ ..

هاديين عاقلين وتملى مالهُمشى ِ حِسْ ..

لما أبلتهم تيجى تشرح دَرّسْ ورا درس ..!!

**

البنت الشاطره الشطوره بترجع ع البيت ..

وأوام تيجى قالعه ملابسها بعقل وترتيب ..

وتشطف روحها فى حمامها وعامله تواليت ..

تتغدى خفيف وتروح نايمه وساكه الشبابيك ..

من بعد شويه تقوم صاحيه مزاكره الحواديت ..!!

 

author-img
عزت عبد العزيز حجازي

تعليقات

ليست هناك تعليقات
إرسال تعليق
    google-playkhamsatmostaqltradent