recent
أخبار ساخنة

يا ثوره

 


يا ثوره

*******

 

 

(إهداء إلى ثورة 25 يناير)

 

 

يا  ثوره وردِك ليه دبل ..

 

والغُصن مال ..

 

لسه شهيدك منتظر ..

 

عدل وميزان ..؟!

**

 

مين فينا بس اللي افترى ..

 

ومين فينا خان ..؟!

 

مين فينا غدرُه اللي قسََم ..

 

ضهر العيدان.. ؟!

**

 

يا ثوره قمرك ليه انطفى ..

 

بعد ما بان ..

 

والضحكه ماتت في العيون ..

 

والدم هان ..؟!

**

 

يا ثوره قومي واصرُخي ..

 

وهدِّي الحيطان ..!!

 

دبي الخطاوي ..

 

وزلزلي عروش الحيتان ..!!

**

 

يا ثوره إبنك الشهيد ..

 

واقف هناك ..

 

مستني فرحه تنصفُه ..

 

وهلال يبان ..

 

يا ثوره .. !!!!

 

author-img
عزت عبد العزيز حجازي - المُحامي

تعليقات

ليست هناك تعليقات
إرسال تعليق
    google-playkhamsatmostaqltradent