recent
أخبار ساخنة

وكاني عارفك

 


وكاني عارفك

****

 

وكاني عارفك من زمان  ..

من قبل حتى ما اتولد  ..

إزاي أهون  .. وتبيع أوام  ..

وصالي قبل ما يتوجد  .. ؟!

**

كان ايه غاصبني ع ـالحنين ؟؟

غير إني عاشقك من سنين  ..

وشوقي ورد بينخلق  ..!!

**

أشكيك لمين   ..

 واقول يا مين  ..

ينصفني منّك  .. والحنين  ..

موال في قلبي بينخنق  ..؟!

**

جبار في صدك ليه  .. وانا  ..

علي ناري منك كام سنه  .. ؟!

لو بس ليله م الهوى  ..

لو بس مره هواك نوى  ..

كان صعب أملي ينسرق  ..!!

**

إبعد بظلمك خلاص نسيت  ..

إرجمني لو في يوم بكيت  ..

دمعه آنينها بينهلك  ..!!

**

لسه الحياه من غير عينيك  ..

ما تقولش راجع بين إيديك  ..

قصّه مسيرها تنحبك  ..

وكإني عارفك..!!َ!!

author-img
عزت عبد العزيز حجازي - المُحامي

تعليقات

ليست هناك تعليقات
إرسال تعليق
    google-playkhamsatmostaqltradent