recent
أخبار ساخنة

كام قَطّرْ فات؟

كام قَطّرْ فات؟
 

كام قَطّرْ فات؟

 

كام قطر فات ..

يامانا واحنا ..

واحنا لسه متربعين ع المحطه فى انتظار ..؟؟

**

كام قطر فات ..

يامانا واحنا ..

واحنا لسه متلفحين ع المحطه بالغُبار ..؟؟

**

متبعتره جوانا ..

أحجارمُدن الحنين ..!!

متكسره فى قلوبنا ..

أزاهير ورد السنين ..!!

**

جاى الخلاص من دموع يأسنا ..

والا الأمل مقتول على باب كل دار ..!!

**

زمن وضاق بينا جُوا ..

جوا الليالى ..

راح اللى راح من عمرنا ..

والعُمر غالى ..!!

**

لو بس يوم فى أخر النفق ..

تلمحنا عين ..

لو بس يوم فى أخر النفق ..

نقول يامين ..؟؟

author-img
عزت عبد العزيز حجازي - المُحامي

تعليقات

ليست هناك تعليقات
إرسال تعليق
    google-playkhamsatmostaqltradent