recent
أخبار ساخنة

بأمَارِة إيهْ ؟!

 


بأمَارِة إيهْ ؟!

****

 

بأمارة إيه كاسَك حَالي ..؟!

بأمارة إيه مَاسَكْ غالي ..؟!

يا شاغلني بيك سِتْ ليالي ..

وعايزني اجاريك ..!!

**

بأمارة إيه مِأَصَّلْ عَنِي ..؟!

بأمارة إيه مَِصَّب مِنِي ..

وعايزتي أرضيِك ..؟؟

**

إطِلع من دُول شكلَّك سَاهِي ..

إطلع من دول مُش علي بالي ..

أتلَمْ عليّْك ..!!

**

فِكرَك لما تقرب حَبه ..

وتِهمِس بكلام بَمْبَهْ في بمبه ..

راح أسلم ليك حبَه في حبه ..

واشتاق لياليك ..؟؟

**

روح دورعلي واحده غِيري ..

مِش حِمل غرام ولا هَوي ليلي ..

ولا حِمل سَهر ..

ولا أه يا ويلي ..

من مَكرْ عِنيك ..!!

**

مهما تِسَهوكْ رِمشَك ليا ..

وتفرش في ملاية المِلاغيه ..

وتسوق في مِحَيلاتِي عَليا ..

مش حاسأل فِيك ..

بأمارة إيه ..!!!!

author-img
عزت عبد العزيز حجازي - المُحامي

تعليقات

ليست هناك تعليقات
إرسال تعليق
    google-playkhamsatmostaqltradent