recent
أخبار ساخنة

البنت الشاطره

البنت الشاطره
  


البنت الشاطره

****


البنت الشاطره الشطوره أد النبقايه

ونشاطها زايد من يومها زي النحلايه

والدم خفيف وعليها رنة ضحكايه

والكل عليها ملهوف وحبنها كفايه

وكإنها حبة بمبونه سكر بقلاوه!!

**

البنت الشاطره الشطوره بتصحَى من النوم

تنده علي ماما تلاقي ماما رايحَه في النوم

بهدوء بهدوء تغسل إيدها ووشها في الحوض

وفاتحه براحَه التـلاجَه وفاطره الموجود

فينو وزبادي وحلاوه ومرَبة توت!!

 ** 

البنت الشاطره الشطوره قد الكتكوت

متنصحَه قوي ونصاحتها سُكر عنقود

فرحانه مزقططه زقاطيطو حاتخرُج م البيت

ولمَه حاجتها في شنطتها وقايلَه يا فكيك

المدرسه طالَه علي الشارع وبابها حديد!!

**

البنت الشاطره الشطوره فرحانَه بتميّْل

عمالَه تجري وتنهَز شخاليّل شخاليّل

وضامَه دراعتها على كُتبهَا ويا الكشاكيّل

بتحِب دروسها وأبلتها بتشكُرها كتير

ولا جت ولا مره في يوم قالت دا واجبها تقيّل!!

**

البنت الشاطره الشطوره بتجري ع الفصل

وتصبح علي عم "عبدُه" فراش الفصل

كتاكيت الفصل الشاطرين في نداوة الخَس

هاديين عاقلين وتملي ما لهُمش حِس

لما أبلتهُم تيجي تشرح درس ورا درس!!

 **

البنت الشاطره الشطوره بترجَع ع البيت

وقوام تيجي قالعه ملابسها بعقل وترتيب

وتشـطف روحها في حمامها وعامله تواليت

تتغدي خفيف وتروح نايمه وساكَه الشبابيك

من بعد شويه تقوم صاحيه مذاكره الحواديت

البنت الشاطره!!!

author-img
عزت عبد العزيز حجازي - المُحامي

تعليقات

ليست هناك تعليقات
إرسال تعليق
    google-playkhamsatmostaqltradent